Xəbər
İslam Şurası Məclisinin sədri doktor Məhəmməd Baqir Qalibaf İslam İnqilabının Ali Rəhbəri Ayətullah Seyid Müctəba Hüseyni Xamenei ilə görüşüb və söhbət edib.
Görüşdə Amerika–sionist düşmənin apardığı hərbi, iqtisadi və informasiya müharibəsindəki son hadisələr müzakirə olunub. Ölkənin güc amillərinin möhkəmləndirilməsi, İslam Şurası Məclisinin deputatlarının ictimai həmrəyliyin qorunub saxlanılması və milli birliyin möhkəmləndirilməsindəki təsirli rolu, ayağa qalxmış xalqın meydanlarda keçirilən yığıncaqlarda şüurlu şəkildə iştirakını davam etdirməsinin çəkindirici əhəmiyyəti vurğulanıb. Həmçinin hökumət və parlamentin xalqın iqtisadi və məişət problemlərinin həlli, eləcə də ölkənin strateji tərəfdaşları ilə bağlı işlərin irəli aparılması istiqamətində əməkdaşlığına xüsusi diqqət yetirilməsinin vacibliyi qeyd olunub.
İslam Şurası Məclisinin sədri də bu görüşdə üçüncü tətbiq olunmuş müharibənin başlanmasından indiyədək xalqın deputatlarının fəaliyyəti, habelə ölkənin məsələlərinin və problemlərinin həllinə yönəlmiş parlamentin cari və gələcək planları barədə hesabat təqdim edib.
